Se vi estas interesitaj pri luktosporto, la AŬTUNA numero de VietChi Post, revuo pri la vjetnama Lukto-Arto de Grandmajstro Phan Hoang, estis publikigita. La revuo enhavas artikolojn pri vjetnamaj luktartoj, sed ne nur - ankaŭ novaĵojn de kluboj, pensoj, ideoj kaj eventoj.
Por legi/elŝuti: https://tinyl.co/50bi
Ĉi tiu numero estas plena je personaj artikoloj, kiuj profunde eniras la esencan signifon de nia praktiko. Ni havis la festojn pro la 90-a naskiĝtago de nia amata Grandmajstro en Otavo, kiuj estis pritraktitaj en kelkaj artikoloj. Ankaŭ estas kelkaj enrigardoj pri la VCD-trejnado en la parkoj ĉi-somere fare de la grupoj de la Okcidenta Piedmonto el la turina regiono.
Ni havas artikolon pri la praktiko de VietChiDao kaj la lasta parto de la ekzercoj de la VietChi-Sistemo.
Kelkaj kartaroj kompletigas la numeron, prezentante la 18 bazajn starojn de VCD; priskribo pri la Trejnado de la Monta Valo, kaj, ĉar ni eniras la aŭtunon, memorigilo pri la quyen HA-THU por nia sezona praktiko.
Kaj ne forgesu noti la venontajn laborkunsidojn, unu ankoraŭ en 2026 (oktobro, en Pollando - rapidu pri la aliĝo) kaj denovan kunvenon en Le Croisic en 2027!
Fine de la revuo, la kutima kontaktpaĝo kun kelkaj utilaj ligiloj, kaj niaj publikaĵoj, haveblaj presitaj, aŭ skribante al la VietChi-Instituto aŭ kiel rekta presaĵo el Amazon.
Se vi deziras, ke via retpaĝo aŭ kontakto aperu en la listo de ligiloj, bonvolu skribi al mi. Ĉiam memoru, ke vi povas publikigi vian propran artikolon en la VCP - vi trovos ĉiujn detalojn pri kiel sendi la artikolojn sur la lasta paĝo de la revuo.
Grandegan, koran DANKON al ĉiuj, kiuj ĉiam kunlaboras kun la eldonado de la VCP, sendante artikolojn, pensojn kaj tradukojn.
Sur la retejo https://www.vietchiinstitute.org/eng/vietchi-post-2/ vi povas trovi la gazetojn publikigitaj ĝis nun, tradukitajn en esperanto ekde 2024. Se vi ĉiuokaze rilatas al batalartoj, bonvolu sentu vin libera kontribui artikolon - ĝi eble estos publikigita en estonta numero! 🙂 :flago:
No comments:
Post a Comment